Ahl Männer, die Hand en Hand, als Denkmal uss Schmalz
Ahndächtig vüür Kameras posiere, ennwändig ihßkalt
Ihr Trauer, die duutjeboore, als Kür em Protokoll
Vüürm Festbankett absolviere . Ich weiß wat die soll

Paradeschritt, Marschmusik, schwazz-ruut-jold em Wind
Un platteste Sprüch parat für Opfer, die blind
All vier Johr als Krüzzje brav, vüürdemoskopiert
Ihr Stemme en Urne bejraave, demokratisch kaschiert

Ahl Männer, unerbittlich nette ahl Männer
Pathetisch, fett un satt
Ahl Männer, uss em Ei jepellte ahl Männer
Ahlglatt

Schauspieler, dien Schmieretheatern durchfeele, mangels Talente
Konfus met Erdteile jongliere, en Rolle vun Staatspraesidente
Wie Aape, die met jeladne Pistole neujierisch hantiere
Dürfen Viersterne Clowns ihr Rakete als Spillzeuch em All stationiere

Dat hes kei Land mieh, wo beim Barbier Portraits ahn der Wan
Vun Despote, die en Schullklasse Logeplätz hann
Doch immer noch eins, wo ahnbiedernste Böck Järtner sinn
Och wenn se veezisch Johr blööke, dat dat lang nit mieh stemmp

Ahl Männer, unerbittlich nette ahl Männer
Pathetisch, fett un satt
Ahl Männer, uss em Ei jepellte ahl Männer
Ahlglatt

Ahl Männer, unerbittlich nette ahl Männer
Pathetisch, fett un satt
Ahl Männer, uss em Ei jepellte ahl Männer
Ahlglatt
Correct  |  Mail  |  Print  |  Vote

Ahl Männer, Aalglatt Lyrics

Bap – Ahl Männer, Aalglatt Lyrics

Songwriters: ALEXANDER BUECHEL, KLAUS HEUSER, WOLFGANG NIEDECKEN
Ahl Männer, Aalglatt lyrics © Universal Music Publishing Group

LyricFind
Lyrics term of use