It was a' for our rightfu' King
We left fair Scotland's strand,
It was a' for our rightfu' King
We e'er saw Irish land, my dear,
We e'er saw Irish land.

Now a' is done that men can do,
And a' is done in vain,
My Love and Native Land fareweel,
For I maun cross the main, my dear,
For I maun cross the main.

He turn'd him right and round about,
Upon the Irish shore,
And gae his bridle reins a shake,
With adieu for evermore, my dear,
And adiue for evermore.

The soger frae the wars returns,
The sailor frae the main;
But I hae parted frae my Love,
Never to meet again, my dear,
Never to meet again.

When day is gane, and night is come,
And a' folk bound to sleep,

I think on him that's far awa,
The lee-lang night, and weep, my dear,
The lee-lang night, and weep.
Correct  |  Mail  |  Print  |  Vote

It Was A' For Our Rightfu' King Lyrics

Andy M. Stewart – It Was A' For Our Rightfu' King Lyrics

Songwriters: ROBERT BURNS, SERGE HOVEY
It Was A' For Our Rightfu' King lyrics © HOVEY MUSIC COMPANY

LyricFind
Lyrics term of use